Con un’auto un poco larga e longa … meio no andar a Pis’cianzi, meio no inerpicarse suso per via dei Moreri che all’inizio la sembra bela e granda, ma dopo 200 metri za la disi “vien vien avanti (mona) te troverà pan per i tuoi denti”. E questo quando che xe bel. Col bruto tempo … lassa perder.
E forsi per ‘sta difesa contro i foresti ( e come no considerar foresto un de Barriera o pezo de San Vito?) che el posto ga mantignù nel tempo il suo fascino.
Un tempo – i disi – iera logo de alberi un poco altini che po’ i saria stadi taiai per far posto a vigne. Oggi – come se pol veder da le foto – xe tutto pastini coltivai a uva. La posizion riparada de la bora e esposizion a sud xe l’ideal per uva e saria anche per ulivi che però mi no go visto.
El primo a far sta operazion de taiar alberi e meter vigne un tal Andrej Bole che zirca un 200 ani fa el se ga meso a far vin e ancora ogi i suoi discendenti fa la stessa roba: Teran, Malavasia, Vitovska e Glera marcai Bole.
Su a Pis’cianzi no pol mancar osmize. La più famosa quella impiantada nel 1950 da Silvano Ferluga e l’altra che i disi meno de pregio (mi no go provà) de Ferfoglia.
E su a Pis’cianzi qualchedun produsi anche un poco de miel e i orti no manca.

Tacà de Pis’cianzi xe Lajnarj. Ma nissun sa ben dove che passi esattamente el confin fra queste due capitali. Chi che sa el parli.

Ah, dimenticavo … come che tuti scrivi su internet pis’cianzi vol dir polli in sloven.