Campo Belvedere

La via Udine va, poi la se interompi con el Largo Belvedere e poi la riprendi come via Udine.
El Largo Belvedere dunque xe come un attimo de tregua dentro la lunghezza e monotonia de sta via.
Un per de negozi, un per de bar, edicola, fermada del bus e poi de novo via Udine per andar verso el centro oppur verso el faro, verso Prosecco, verso el Friul … appunto … Udine.
El Largo Belvedere oggi se presenta con casette basse, piccole e assai vecie ma anche con el parcheggio coverto fatto un per de anni fa e un cason moderno.
Alla piaza fa capo due scalinade, una – Salita al Belvedere – che la va zo verso el vial Miramar e che a metà, tacada su un muro ghe xe una lapide che ricorda un tal musicista sloven che se ciamava Ubald Vrabec e che el iera nato de quele parti.
L’altra scala che dal Campo Belvedere la va in su e la se ciama Scala dei Lauri e la riva alla strada a monte della via Udine cioè via Gozzi. Scala un poco sconta e assai deserta con qualche bella casa e qualche altra in rovina, con qualche casa fra cui qualcuna bela ed abitada e qualche altra in rovina (2014).
Alla base dela scala una vecia fontanela in fero, dipinta de verde, utile per dar refrigerio, nele giornade de calura, a chi che se meti a salir su per sta scala.